NoSQL ᠥᠭᠭᠥᠭᠳᠡᠯ ᠦᠨ ᠰᠠᠨ
《NoSQL》 ᠭᠡᠳᠡᠭ ᠨᠢ 《Non SQL᠂ Not Only SQL》 ᠪᠤᠶᠤ ᠥᠭᠭᠥᠭᠳᠡᠯ ᠦᠨ ᠰᠠᠩ ᠢ ᠤᠳᠤᠷᠢᠳᠬᠤ 《SQL》 ᠬᠡᠯᠡ ᠦᠭᠡᠢ ᠥᠭᠭᠥᠭᠳᠡᠯ ᠦᠨ ᠰᠠᠨ ᠭᠡᠰᠡᠨ ᠦᠭᠡ ᠶᠤᠮ. 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠨᠢ ᠣᠷᠴᠢᠨ ᠦᠶᠡ ᠶᠢᠨ ᠫᠷᠣᠭᠷᠠᠮ ᠬᠠᠩᠭᠠᠮᠵᠢ ᠬᠥᠭᠵᠢᠭᠦᠯᠬᠦ ᠳᠦ ᠲᠠᠯᠪᠢᠭᠳᠠᠬᠤ ᠱᠠᠭᠠᠷᠳᠠᠯᠭᠠ ᠨᠤᠭᠤᠳ ᠲᠤ ᠦᠨᠳᠦᠰᠦᠯᠡᠨ ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠣᠯᠠᠨ ᠲᠥᠷᠥᠯ ᠦᠨ᠂ ᠥᠷᠭᠡᠨ ᠬᠦᠷᠢᠶᠡᠨ ᠦ ᠥᠭᠡᠷᠡ ᠥᠭᠡᠷᠡ ᠲᠧᠭᠨᠣᠯᠣᠭᠢ ᠨᠤᠭᠤᠳ ᠢ ᠥᠪᠡᠷᠲᠡᠭᠡᠨ ᠠᠭᠤᠯᠠᠳᠠᠭ. 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠨ ᠡᠭᠦᠰᠬᠦ ᠪᠣᠯᠤᠭᠰᠠᠨ ᠬᠡᠳᠦ ᠬᠡᠳᠦᠨ ᠰᠢᠯᠲᠠᠭᠠᠨ ᠲᠠᠢ᠃ ᠡᠭᠦᠨ ᠳᠦ᠄
- ᠫᠷᠣᠭᠷᠠᠮ ᠬᠠᠩᠭᠠᠮᠵᠢ ᠬᠥᠭᠵᠢᠭᠦᠯᠦᠭᠴᠢᠳ ᠨᠢ ᠥᠷᠭᠡᠨ ᠬᠦᠷᠡ ᠶᠢ ᠬᠠᠮᠤᠷᠤᠭᠰᠠᠨ ᠬᠤᠷᠳᠤᠴᠠ ᠲᠠᠢ ᠥᠭᠡᠷᠡᠴᠢᠯᠡᠭᠳᠡᠳᠡᠭ ᠪᠦᠲᠦᠴᠡᠯᠡᠭᠳᠡᠭᠰᠡᠨ᠂ ᠬᠠᠭᠠᠰ ᠪᠦᠲᠦᠴᠡᠯᠡᠭᠳᠡᠭᠰᠡᠨ᠂ ᠪᠦᠲᠦᠴᠡᠯᠡᠭᠳᠡᠭᠡ ᠦᠭᠡᠢ ᠮᠥᠨ ᠣᠯᠠᠨ ᠬᠡᠯᠪᠡᠷᠢ ᠳᠦ ᠥᠭᠭᠥᠭᠳᠡᠯ ᠦᠨ ᠲᠥᠷᠥᠯ ᠦᠳ ᠢ ᠡᠭᠦᠰᠬᠡᠳᠡᠭ ᠫᠷᠣᠭᠷᠠᠮ ᠬᠠᠩᠭᠠᠮᠵᠢ ᠶᠢ ᠠᠰᠢᠭᠯᠠᠬᠤ ᠪᠣᠯᠤᠭᠰᠠᠨ᠃
- ᠳᠡᠶᠢᠯᠦᠩᠬᠢ ᠬᠡᠷᠡᠭᠯᠡᠭᠴᠢᠳ ᠦᠨ ᠠᠰᠢᠭᠯᠠᠬᠤ ᠪᠣᠯᠤᠭᠰᠠᠨ ᠫᠷᠣᠭᠷᠠᠮ ᠬᠠᠩᠭᠠᠮᠵᠢ ᠨᠤᠭᠤᠳ ᠨᠢ ᠥᠨᠥ ᠦᠶᠡ ᠳᠦ ᠲᠠᠰᠤᠷᠠᠯᠲᠠ ᠦᠭᠡᠢ ᠠᠵᠢᠯᠯᠠᠭᠠ ᠲᠠᠢ᠂ ᠣᠯᠠᠨ ᠲᠥᠷᠥᠯ ᠦᠨ ᠲᠥᠬᠥᠭᠡᠷᠦᠮᠵᠢ ᠨᠦᠭᠦᠳ ᠡᠴᠡ ᠬᠠᠨᠳᠤᠬᠤ ᠪᠣᠯᠤᠮᠵᠢ ᠶᠢ ᠣᠯᠭᠤᠵᠤ ᠪᠠᠶᠢᠭᠠ ᠪᠥᠭᠡᠳ ᠳᠡᠯᠡᠬᠡᠢ ᠳᠠᠶᠠᠭᠠᠷ ᠰᠠᠶ᠋ᠢ ᠰᠠᠶ᠋ᠢ ᠬᠡᠷᠡᠭᠯᠡᠭᠴᠢᠳ ᠢ ᠬᠠᠮᠤᠷᠴᠢ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃
- ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠨᠢ ᠥᠨᠥ ᠦᠶᠡ ᠳᠦ ᠨᠡᠭᠡᠭᠡᠯᠲᠡ ᠲᠡᠢ ᠡᠬᠡ ᠶᠢᠨ ᠫᠷᠣᠭᠷᠠᠮ ᠬᠠᠩᠭᠠᠮᠵᠢ᠂ ᠥᠨᠳᠥᠷ ᠦᠵᠡᠭᠦᠯᠦᠯᠲᠡ ᠲᠡᠢ ᠰᠧᠷᠸᠧᠷ᠂ ᠰᠲ᠋ᠣᠷᠡᠶᠢᠵᠤ ᠵᠡᠷᠭᠡ ᠶᠢ ᠲᠡᠳᠦᠶᠢᠯᠡᠨ ᠠᠰᠢᠭᠯᠠᠬᠤ ᠠᠴᠠ ᠲᠠᠲᠠᠭᠠᠯᠵᠠᠵᠤ᠂ ᠡᠭᠦᠯᠡᠨ ᠲᠣᠭᠠᠴᠠᠭᠠᠯᠠᠯ ᠢ ᠠᠰᠢᠭᠯᠠᠭᠰᠠᠨ ᠠᠷᠬᠢᠲ᠋ᠧᠺᠲ᠋ᠣᠷ ᠢ ᠦᠢᠯᠡ ᠠᠵᠢᠯᠯᠠᠭᠠᠨ ᠳᠤ ᠪᠠᠨ ᠠᠰᠢᠭᠯᠠᠬᠤ ᠪᠣᠯᠤᠭᠰᠠᠨ᠃
《SQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠨᠢ ᠣᠷᠴᠢᠨ ᠦᠶᠡ ᠶᠢᠨ ᠫᠷᠣᠭᠷᠠᠮ ᠬᠠᠩᠭᠠᠮᠵᠢ ᠨᠤᠭᠤᠳ ᠲᠤ ᠲᠤᠯᠭᠠᠷᠠᠳᠠᠭ ᠥᠷᠭᠡᠨ ᠬᠦᠷᠡ ᠶᠢ ᠬᠠᠮᠤᠷᠤᠭᠰᠠᠨ ᠬᠤᠷᠳᠤᠴᠠ ᠲᠠᠢ ᠥᠭᠡᠷᠡᠴᠢᠯᠡᠭᠳᠡᠳᠡᠭ ᠪᠠᠶᠢᠬᠤ ᠰᠢᠯᠭᠠᠭᠤᠷ ᠤᠳ ᠢ ᠬᠠᠩᠭᠠᠬᠤ ᠦᠭᠡᠢ ᠪᠠᠶᠢᠨᠠ᠃ ᠮᠥᠨ ᠲᠡᠭᠦᠨᠴᠢᠯᠡᠨ ᠥᠨᠥ ᠦᠶᠡ ᠶᠢᠨ ᠥᠨᠳᠥᠷ ᠦᠵᠡᠭᠦᠯᠦᠯᠲᠡ ᠪᠦᠬᠦᠢ ᠰᠲ᠋ᠣᠷᠡᠶᠢᠵᠤ᠂ ᠪᠣᠯᠪᠠᠰᠤᠷᠠᠭᠤᠯᠤᠯᠲᠠ ᠶᠢᠨ ᠬᠦᠴᠦᠨ ᠴᠢᠳᠠᠯ ᠤᠨ ᠳᠠᠪᠠᠭᠤ ᠲᠠᠯᠠ ᠶᠢ ᠠᠰᠢᠭᠯᠠᠬᠤ ᠪᠠᠷ ᠵᠠᠭᠪᠤᠷᠴᠢᠯᠠᠭᠳᠠᠭᠠ ᠦᠭᠡᠢ᠃ ᠬᠠᠷᠢᠨ 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠬᠤᠪᠢ ᠳᠤ ᠳᠡᠭᠡᠷᠡᠬᠢ ᠠᠰᠠᠭᠤᠳᠠᠯ ᠤᠳ ᠬᠢᠯᠪᠠᠷ ᠢᠶᠠᠷ ᠰᠢᠢᠳᠦᠭᠳᠡᠳᠡᠭ. 《NoSQL》 ᠍ ᠲᠤ ᠬᠠᠮᠢᠶᠠᠷᠬᠤ ᠶᠡᠬᠡᠩᠬᠢ ᠥᠭᠭᠥᠭᠳᠡᠯ ᠦᠨ ᠰᠠᠩ ᠨᠢ ᠠᠩᠬᠠᠨ ᠠᠴᠠ ᠪᠠᠨ ᠲᠠᠷᠬᠠᠮᠠᠯ᠂ ᠥᠷᠭᠡᠳᠬᠡᠬᠦ ᠳᠦ ᠬᠢᠯᠪᠠᠷ ᠪᠠᠶᠢᠬᠤ ᠪᠠᠷ ᠵᠠᠭᠪᠤᠷᠴᠢᠯᠠᠭᠳᠠᠭᠰᠠᠨ ᠪᠠᠶᠢᠳᠠᠭ᠃ ᠭᠡᠪᠡᠴᠦ 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠢ ᠠᠰᠢᠭᠯᠠᠨ ᠫᠷᠣᠭᠷᠠᠮ ᠬᠥᠭᠵᠢᠭᠦᠯᠬᠦ ᠳᠦ ᠬᠦᠨᠳᠦᠷᠡᠯ ᠲᠡᠢ ᠪᠠᠶᠢᠳᠠᠭ ᠪᠥᠭᠡᠳ 《SQL》 ᠠᠰᠢᠭᠯᠠᠬᠤ ᠦᠭᠡᠢ ᠪᠡᠷ ᠥᠭᠭᠥᠭᠳᠡᠯ ᠦᠨ ᠰᠠᠨ ᠤᠳᠤᠷᠢᠳᠬᠤ ᠨᠢ ᠰᠢᠨᠡᠯᠢᠭ ᠵᠦᠢᠯ ᠪᠥᠭᠡᠳ ᠫᠷᠣᠭᠷᠠᠮ ᠬᠠᠩᠭᠠᠮᠵᠢ ᠶᠢᠨ ᠰᠢᠢᠳᠦᠯ ᠢ ᠭᠠᠷᠭᠠᠬᠤ ᠶᠢᠨ ᠲᠤᠯᠠᠳᠠ ᠥᠭᠡᠷᠡ ᠥᠨᠴᠦᠭ ᠡᠴᠡ ᠬᠠᠷᠠᠵᠤ ᠺᠣᠳ᠋ ᠪᠢᠴᠢᠬᠦ ᠱᠠᠭᠠᠷᠳᠠᠯᠭᠠ ᠲᠤᠯᠭᠠᠷᠠᠳᠠᠭ᠃
《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠲᠥᠷᠦᠯ ᠦᠳ᠄
- Document database᠄ ᠴᠣᠭᠴᠠ ᠥᠭᠭᠥᠭᠳᠡᠯ ᠦᠨ ᠪᠦᠲᠦᠴᠡ ᠲᠡᠢ ᠲᠡᠳᠡᠭᠡᠷ ᠨᠢ ᠲᠦᠯᠬᠢᠭᠦᠷ ᠦᠭᠡ ᠪᠦᠷᠢ ᠲᠡᠢ ᠬᠣᠯᠪᠣᠭᠳᠠᠳᠠᠭ᠃
- Graph stores᠄ ᠣᠯᠠᠨ ᠨᠡᠶᠢᠲᠡ ᠶᠢᠨ ᠰᠦᠯᠵᠢᠶᠡᠨ ᠦ ᠥᠭᠭᠥᠭᠳᠡᠯ ᠢ ᠬᠠᠳᠠᠭᠠᠯᠠᠳᠠᠭ᠃
- Key-value stores᠄ ᠡᠨᠡ ᠨᠢ ᠬᠠᠮᠤᠭ ᠤᠨ ᠡᠩ ᠦᠨ ᠪᠦᠲᠦᠴᠡ ᠲᠡᠢ᠂ ᠠᠰᠢᠭᠯᠠᠬᠤ ᠳᠤ ᠬᠢᠯᠪᠠᠷ 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠨᠢᠭᠡ ᠲᠥᠷᠦᠯ ᠨᠢ ᠶᠤᠮ᠃ ᠲᠤᠬᠠᠢ ᠶᠢᠨ ᠲᠥᠷᠦᠯ ᠦᠨ ᠥᠭᠭᠥᠭᠳᠡᠯ ᠪᠦᠷ ᠨᠢ ᠤᠳᠬᠠ ᠶᠢᠨ ᠬᠠᠮᠲᠤ ᠪᠠᠷ ᠲᠦᠯᠬᠢᠭᠦᠷ (key) ᠦᠭᠡ ᠪᠡᠷ ᠬᠠᠳᠠᠭᠠᠯᠠᠭᠳᠠᠳᠠᠭ ᠣᠨᠴᠠᠯᠢᠭ ᠲᠠᠢ᠃
- Wide-column stores᠄ Cassandra ᠪᠣᠯᠤᠨ Hbase ᠵᠡᠷᠭᠡ ᠥᠭᠭᠥᠭᠳᠡᠯ ᠦᠨ ᠰᠠᠩ ᠨᠢ ᠶᠡᠬᠡ ᠬᠡᠮᠵᠢᠶᠡᠨ ᠦ ᠥᠭᠭᠥᠭᠳᠡᠯ ᠦᠨ ᠪᠠᠭᠴᠠ ᠳᠡᠭᠡᠷᠡᠬᠢ query ᠪᠢᠴᠢᠬᠦ ᠳᠦ ᠲᠣᠬᠢᠷᠠᠭᠤᠯᠤᠭᠳᠠᠭᠰᠠᠨ ᠪᠠᠶᠢᠳᠠᠭ ᠪᠥᠭᠡᠳ ᠵᠥᠪᠬᠡᠨ ᠪᠠᠭᠠᠨᠠ ᠪᠠᠶᠢᠳᠠᠯ ᠢᠶᠠᠷ ᠬᠠᠳᠠᠭᠠᠯᠠᠳᠠᠭ᠃
《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠳᠠᠪᠠᠭᠤ ᠲᠠᠯᠠ ᠨᠤᠭᠤᠳ᠄
《SQL》ᠥᠭᠭᠥᠭᠳᠡᠯ ᠦᠨ ᠰᠠᠩ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠳᠤ 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠨᠢ ᠦᠷᠭᠡᠳᠭᠡᠬᠦ ᠪᠣᠯᠤᠮᠵᠢ ᠲᠠᠢ ᠮᠥᠨ ᠳᠡᠭᠡᠳᠦ ᠵᠡᠷᠭᠡ ᠶᠢᠨ ᠬᠦᠴᠦᠨ ᠴᠢᠳᠠᠯ ᠢ ᠦᠵᠡᠭᠦᠯᠦᠨᠡ᠃ ᠮᠥᠨ 《SQL》 ᠍ ᠤᠨ ᠥᠭᠭᠥᠭᠳᠡᠯ ᠦᠨ ᠵᠠᠭᠪᠤᠷ ᠨᠢ ᠪᠦᠲᠦᠴᠡᠯᠡᠭᠳᠡᠭᠰᠡᠨ ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠬᠤᠪᠢ ᠳᠤ ᠬᠠᠶ᠋ᠢᠭᠯᠠᠬᠤ ᠪᠠᠷ ᠵᠠᠭᠪᠤᠷᠴᠢᠯᠠᠭᠳᠠᠭᠠ ᠦᠭᠡᠢ ᠪᠠᠶᠢᠳᠠᠭ ᠪᠣᠯ 《NoSQL》 ᠍ ᠤᠨ ᠬᠤᠪᠢ ᠳᠤ ᠬᠡᠳᠦ ᠬᠡᠳᠦᠨ ᠰᠢᠢᠳᠦᠯ ᠦᠳ ᠢᠶᠡᠷ ᠬᠠᠶ᠋ᠢᠭᠯᠠᠬᠤ ᠪᠠᠷ ᠪᠦᠲᠦᠭᠡᠭᠳᠡᠭᠰᠡᠨ᠃
- ᠪᠦᠲᠦᠴᠡᠯᠡᠭᠳᠡᠭᠰᠡᠨ᠂ ᠬᠠᠭᠠᠰ ᠪᠦᠲᠦᠴᠡᠯᠡᠭᠳᠡᠭᠰᠡᠨ᠂ ᠪᠦᠲᠦᠴᠡᠯᠡᠭᠳᠡᠭᠡ ᠦᠭᠡᠢ ᠮᠥᠨ ᠬᠤᠷᠳᠤᠨ ᠥᠭᠡᠷᠡᠴᠢᠯᠡᠭᠳᠡᠳᠡᠭ ᠶᠡᠬᠡ ᠬᠡᠮᠵᠢᠶᠡᠨ ᠦ ᠥᠭᠭᠦᠭᠳᠡᠯᠲᠡᠢ ᠠᠵᠢᠯᠯᠠᠳᠠᠭ᠃
- ᠪᠣᠭᠣᠨᠢ ᠬᠤᠭᠤᠴᠠᠭᠠᠨ ᠤ ᠺᠣᠳ᠋ ᠍ ᠤᠨ ᠰᠢᠨᠡᠴᠢᠯᠡᠯ ᠳᠦ ᠲᠣᠬᠢᠷᠠᠮᠵᠢᠲᠠᠢ᠃
- ᠣᠪᠶᠧᠺᠲ ᠬᠠᠨᠳᠤᠯᠲᠠ ᠫᠷᠣᠭᠷᠠᠮᠴᠢᠯᠠᠯ ᠳᠤ ᠠᠰᠢᠭᠯᠠᠬᠤ ᠳᠤ ᠬᠢᠯᠪᠠᠷ ᠮᠥᠨ ᠤᠶᠠᠨ ᠬᠠᠲᠠᠨ᠃
- ᠨᠦᠰᠡᠷ ᠠᠷᠬᠢᠲ᠋ᠧᠺᠲ᠋ᠣᠷ ᠤᠨ ᠣᠷᠣᠨ ᠳᠤ ᠭᠠᠵᠠᠷ ᠵᠦᠢ ᠶᠢᠨ ᠬᠤᠪᠢ ᠳᠤ ᠲᠠᠷᠬᠠᠭᠰᠠᠨ ᠠᠷᠬᠢᠲ᠋ᠧᠺᠲ᠋ᠣᠷ ᠲᠠᠢ
SQL᠂ NoSQL ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠬᠠᠷᠢᠴᠠᠭᠤᠯᠤᠯᠲᠠ᠄
ᠲᠥᠷᠥᠯ ᠦᠨ ᠬᠤᠪᠢ ᠳᠤ᠄
《SQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠨᠢ ᠨᠢᠭᠡ ᠪᠦᠲᠦᠴᠡ ᠶᠢᠨ ᠨᠢᠭᠡ ᠲᠥᠷᠥᠯ ᠲᠡᠢ ᠥᠭᠭᠥᠭᠳᠡᠯ ᠦᠨ ᠰᠠᠨᠤᠭ ᠤᠳ ᠲᠠᠢ ᠪᠣᠯ 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠬᠤᠪᠢ Document database᠂ Graph stores᠂ Key-value stores᠂ Wide-column stores –ᠤᠳ ᠢ ᠪᠠᠭᠲᠠᠭᠠᠭᠰᠠᠨ ᠣᠯᠠᠨ ᠲᠥᠷᠥᠯ ᠲᠡᠢ᠃
ᠬᠥᠭᠵᠢᠭᠦᠯᠦᠯᠲᠡ ᠶᠢᠨ ᠲᠡᠦᠬᠡ᠄
ᠰᠲ᠋ᠣᠷᠡᠶᠢᠵᠢ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠫᠷᠣᠭᠷᠠᠮ ᠬᠠᠩᠭᠠᠮᠵᠢ ᠬᠥᠭᠵᠢᠵᠦ ᠡᠬᠢᠯᠡᠭᠰᠡᠨ 1970 ᠣᠨ ᠠᠴᠠ 《SQL》 ᠥᠭᠭᠥᠭᠳᠡᠯ ᠦᠨ ᠰᠠᠨ ᠬᠥᠭᠵᠢᠭᠦᠯᠦᠭᠳᠡᠵᠦ ᠢᠷᠡᠭᠰᠡᠨ᠃ ᠬᠠᠷᠢᠨ 2000 ᠣᠨ ᠤ ᠰᠡᠭᠦᠯᠡᠷ 《SQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠥᠷᠭᠡᠵᠢᠭᠦᠯᠬᠦ ᠪᠣᠯᠤᠮᠵᠢ᠂ ᠣᠯᠠᠨ ᠪᠦᠲᠦᠴᠡ ᠲᠡᠢ ᠥᠭᠭᠥᠭᠳᠡᠯ᠂ ᠭᠠᠵᠠᠷ ᠵᠦᠢ ᠶᠢᠨ ᠲᠠᠷᠬᠠᠴᠠ ᠪᠣᠯᠤᠨ ᠲᠦᠷᠭᠡᠨ ᠬᠤᠭᠤᠴᠠᠭᠠᠨ ᠤ ᠬᠥᠭᠵᠢᠭᠦᠯᠦᠯᠲᠡ ᠶᠢᠨ ᠬᠢᠵᠠᠭᠠᠷᠯᠠᠭᠳᠠᠮᠠᠯ ᠪᠠᠶᠢᠳᠠᠯ ᠳᠤ ᠦᠨᠳᠦᠰᠦᠯᠡᠨ 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠢ ᠬᠥᠭᠵᠢᠭᠦᠯᠦᠭᠰᠡᠨ᠃
ᠥᠭᠭᠥᠭᠳᠡᠯ ᠦᠨ ᠰᠠᠩᠭᠠ ᠨᠤᠭᠤᠳ ᠤᠨ ᠵᠢᠱᠢᠶᠡ ᠄
《SQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠪᠦᠯᠦᠭ ᠲᠦ MySQL᠂ Postgres᠂ MSSQL Server᠂ Oracle ᠨᠢ ᠬᠠᠮᠢᠶᠠᠷᠤᠭᠳᠠᠳᠠᠭ ᠪᠣᠯ᠂ 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠳᠤ MongoDB᠂ Cassandra᠂ HBase᠂ Neo4J ᠵᠡᠷᠭᠡ ᠥᠭᠭᠥᠭᠳᠡᠯ ᠦᠨ ᠰᠠᠩᠭᠠ ᠨᠤᠭᠤᠳ ᠬᠠᠮᠢᠶᠠᠷᠤᠨᠠ᠃
ᠥᠭᠭᠥᠭᠳᠡᠯ ᠦᠨ ᠰᠠᠨᠠᠬᠤ ᠪᠠᠶᠢᠭᠤᠯᠤᠮᠵᠢ ᠶᠢᠨ ᠵᠠᠭᠪᠤᠷ ᠤᠨ ᠬᠤᠪᠢ ᠳᠤ 《SQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠳᠡᠭᠡᠷᠡ ᠵᠢᠱᠢᠶᠡ ᠠᠪᠴᠤ ᠲᠠᠶᠢᠯᠪᠤᠷᠢᠯᠠᠪᠠᠯ᠄ ᠠᠯᠪᠠᠨ ᠭᠠᠵᠠᠷ ᠪᠣᠯᠤᠨ ᠠᠵᠢᠯᠴᠢᠳ ᠤᠨ ᠲᠠᠯᠠᠭᠠᠷᠬᠢ ᠮᠡᠳᠡᠭᠡᠯᠡᠯ ᠨᠢ ᠥᠭᠡᠷᠡ ᠥᠭᠡᠷᠡ ᠨᠢᠭᠡ ᠬᠦᠰᠦᠨᠦᠭᠲᠦ ᠳᠦ ᠬᠠᠳᠠᠭᠠᠯᠠᠭᠳᠠᠳᠠᠭ᠃ ᠬᠡᠷᠡᠭᠯᠡᠭᠴᠢ ᠲᠤᠬᠠᠢ ᠶᠢᠨ ᠠᠵᠢᠯᠲᠠᠨ ᠤ ᠠᠵᠢᠯ ᠤᠨ ᠭᠠᠵᠠᠷ ᠤᠨ ᠬᠠᠶᠠᠭᠠ ᠶᠢ ᠮᠡᠳᠡᠬᠦ ᠶᠢ ᠬᠦᠰᠡᠭᠰᠡᠨ ᠦᠶᠡ ᠳᠦ ᠥᠭᠭᠥᠭᠳᠡᠯ ᠦᠨ ᠰᠠᠩ ᠠᠴᠠ 《ᠠᠵᠢᠯᠴᠢᠨ》 ᠪᠣᠯᠤᠨ 《ᠠᠯᠪᠠᠨ ᠭᠠᠵᠠᠷ》 ᠭᠡᠰᠡᠨ ᠬᠦᠰᠦᠨᠦᠭᠲᠦ ᠨᠦᠭᠦᠳ ᠡᠴᠡ ᠬᠡᠷᠡᠭᠴᠡᠭᠡᠲᠦ ᠮᠡᠳᠡᠭᠡᠯᠡᠯ ᠢᠶᠡᠨ ᠨᠢᠭᠡᠳᠬᠡᠨ ᠣᠯᠵᠤ ᠠᠪᠳᠠᠭ᠃ ᠬᠠᠷᠢᠨ 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠨᠢ ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠲᠥᠷᠦᠯ ᠡᠴᠡ ᠬᠠᠮᠢᠶᠠᠷᠴᠢ ᠥᠭᠡᠷᠡ ᠥᠭᠡᠷᠡ ᠪᠠᠶᠢᠳᠠᠭ᠃
ᠵᠢᠱᠢᠶᠡ ᠨᠢ᠄
《Key-value stores》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠹᠦᠨᠺᠼ ᠨᠢ 《SQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠲᠠᠢ ᠲᠥᠰᠲᠡᠢ ᠪᠥᠭᠡᠳ ᠵᠥᠪᠬᠡᠨ ᠤᠳᠬᠠ (ᠢᠯᠡᠭᠦᠦ ᠴᠣᠭᠴᠠ ᠶᠡᠬᠡ ᠬᠡᠮᠵᠢᠶᠡᠨ ᠦ ᠮᠡᠳᠡᠭᠡᠯᠡ ᠠᠭᠤᠯᠠᠳᠠᠭ) ᠮᠥᠨ ᠲᠦᠯᠬᠢᠭᠦᠷ ᠦᠭᠡ ᠭᠡᠰᠡᠨ 2 ᠪᠠᠭᠠᠨᠠ ᠲᠠᠢ ᠪᠠᠶᠢᠳᠠᠭ. 《Document database》 ᠨᠢ ᠬᠦᠰᠦᠨᠦᠭᠲᠦ ᠪᠣᠯᠤᠨ ᠮᠥᠷ ᠭᠡᠳᠡᠭ ᠵᠠᠭᠪᠤᠷ ᠢᠶᠠᠷ ᠪᠦᠭᠦᠳᠡ ᠶᠢ ᠨᠢ ᠨᠢᠭᠡ ᠹᠠᠶᠢᠯ ᠪᠤᠶᠤ JSON᠂ XML ᠡᠰᠡᠪᠡᠯ ᠥᠭᠡᠷᠡ ᠶᠠᠮᠠᠷ ᠨᠢᠭᠡᠨ ᠥᠭᠭᠥᠭᠳᠡᠯ ᠢ ᠬᠠᠮᠢᠶᠠᠷᠤᠯᠲᠠᠢ ᠪᠠᠷ ᠬᠠᠳᠠᠭᠠᠯᠠᠵᠤ ᠴᠢᠳᠠᠬᠤ ᠪᠤᠰᠤᠳ ᠹᠠᠶᠢᠯ ᠳᠤ ᠬᠠᠳᠠᠭᠠᠯᠠᠳᠠᠭ᠃
ᠰᠾᠧᠮ ᠦᠳ᠄ 《SQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠤᠨ ᠬᠤᠪᠢ ᠳᠤ ᠪᠦᠲᠦᠴᠡ ᠪᠣᠯᠤᠨ ᠥᠭᠭᠥᠭᠳᠡᠯ ᠦᠨ ᠲᠥᠷᠥᠯ ᠨᠢ ᠲᠣᠳᠣᠷᠬᠠᠶᠢᠯᠠᠭᠳᠠᠭᠰᠠᠨ ᠪᠠᠶᠢᠳᠠᠭ ᠪᠠ ᠰᠢᠨᠡ ᠪᠡᠷ ᠪᠦᠲᠦᠴᠡ ᠪᠣᠯᠤᠨ ᠲᠥᠷᠥᠯ ᠨᠡᠮᠡᠬᠦ᠂ ᠬᠠᠳᠠᠭᠠᠯᠠᠬᠤ ᠶᠢᠨ ᠲᠤᠯᠠᠳᠠ ᠥᠭᠭᠥᠭᠳᠡᠯ ᠦᠨ ᠰᠠᠩ ᠢ ᠤᠨᠲᠠᠷᠠᠭᠠᠵᠤ ᠪᠦᠬᠦᠯᠢ ᠳᠦ ᠨᠢ ᠥᠭᠡᠷᠡᠴᠢᠯᠡᠳᠡᠭ᠃ ᠬᠠᠷᠢᠨ 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠨᠢ ᠵᠠᠷᠢᠮ ᠥᠭᠭᠥᠭᠳᠡᠯ ᠢ ᠪᠠᠲᠤᠯᠠᠭᠠᠵᠢᠭᠤᠯᠬᠤ ᠲᠣᠳᠣᠷᠬᠠᠢ ᠳᠦᠷᠢᠮ ᠲᠡᠢ ᠪᠣᠯᠪᠠᠴᠤ᠂ ᠶᠡᠷᠦᠩᠬᠡᠢ ᠳᠦ ᠪᠡᠨ ᠳ᠋ᠢᠨᠠᠮᠢᠺ ᠠᠵᠢᠯᠯᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠮᠥᠨ ᠫᠷᠣᠭᠷᠠᠮ ᠬᠠᠩᠭᠠᠮᠵᠢ ᠨᠤᠭᠤᠳ ᠨᠢ ᠥᠭᠭᠥᠭᠳᠡᠯ ᠦᠨ ᠰᠠᠩ ᠳᠡᠭᠡᠷᠡ ᠰᠢᠨᠡ ᠲᠠᠯᠠᠪᠤᠷ ᠤᠳ ᠨᠡᠮᠡᠬᠦ ᠪᠣᠯᠤᠮᠵᠢ ᠲᠠᠢ᠂ ᠭᠡᠬᠦ ᠳᠦ ᠪᠡᠨ ᠡᠨᠡ ᠨᠢ 《SQL》 ᠪᠦᠲᠦᠴᠡ ᠲᠡᠢ ᠥᠭᠭᠥᠭᠳᠡᠯ ᠦᠨ ᠰᠠᠩ ᠳᠡᠭᠡᠷᠡ ᠬᠦᠰᠦᠨᠦᠭᠲᠦ ᠶᠢᠨ ᠮᠥᠷ ᠨᠡᠮᠡᠬᠦ ᠲᠡᠢ ᠠᠳᠠᠯᠢ ᠦᠭᠡᠢ ᠶᠤᠮ᠃ ᠱᠠᠭᠠᠷᠳᠠᠯᠭᠠ ᠲᠠᠢ ᠲᠣᠬᠢᠶᠠᠯᠳᠤᠯ ᠳᠤ ᠥᠭᠡᠷᠡ ᠥᠭᠡᠷᠡ ᠲᠥᠷᠥᠯ ᠦᠨ ᠥᠭᠭᠥᠭᠳᠡᠯ ᠦᠳ ᠢ ᠬᠠᠮᠲᠤ ᠳᠤ ᠨᠢ ᠬᠠᠳᠠᠭᠠᠯᠠᠵᠤ ᠪᠣᠯᠳᠠᠭ᠃
ᠥᠷᠭᠡᠵᠢᠭᠦᠯᠡᠯᠲᠡ (Scaling)᠄
ᠪᠣᠰᠤᠭᠠ ᠵᠠᠭᠪᠤᠷ᠄ ᠥᠰᠴᠦ ᠪᠤᠢ ᠬᠡᠷᠡᠭᠴᠡᠭᠡ ᠶᠢ ᠬᠠᠩᠭᠠᠬᠤ ᠶᠢᠨ ᠲᠤᠯᠠᠳᠠ ᠲᠤᠬᠠᠢ ᠶᠢᠨ ᠨᠢᠭᠡ ᠰᠧᠷᠸᠧᠷ ᠤᠨ ᠬᠦᠴᠦᠨ ᠴᠢᠳᠠᠯ ᠢ ᠨᠡᠮᠡᠭᠳᠡᠭᠦᠯᠬᠦ ᠱᠠᠭᠠᠷᠳᠠᠯᠭᠠ ᠲᠠᠢ. 《SQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠢ ᠣᠯᠠᠨ ᠰᠧᠷᠸᠧᠷ ᠦᠳ ᠲᠦ ᠲᠠᠷᠠᠭᠠᠨ ᠪᠠᠶᠢᠷᠢᠰᠢᠭᠤᠯᠬᠤ ᠪᠣᠯᠤᠮᠵᠢ ᠲᠠᠢ᠂ ᠭᠡᠪᠡᠴᠦ ᠳᠡᠭᠡᠳᠦ ᠵᠡᠷᠭᠡ ᠶᠢᠨ ᠢᠨᠵᠧᠨᠧᠷᠴᠢᠯᠡᠯ ᠦᠨ ᠴᠢᠳᠠᠪᠤᠷᠢ ᠱᠠᠭᠠᠷᠳᠠᠳᠠᠭ ᠮᠥᠨ Join ᠵᠡᠷᠭᠡ ᠭᠣᠣᠯ ᠬᠣᠯᠪᠣᠳᠠᠭ ᠺᠣᠮᠮᠠᠨᠳ ᠤᠳ ᠨᠢ ᠠᠵᠢᠯᠯᠠᠳᠠᠭ ᠦᠭᠡᠢ᠃
ᠬᠡᠪᠲᠡᠭᠡ ᠵᠠᠭᠪᠤᠷ᠄ ᠦᠢᠯᠡᠴᠢᠯᠡᠭᠡᠨ ᠦ ᠰᠧᠷᠸᠧᠷ ᠦᠳ ᠡᠰᠡᠪᠡᠯ ᠡᠭᠦᠯᠡᠨ ᠲᠣᠭᠠᠴᠠᠭᠠᠯᠠᠯ ᠤᠨ ᠰᠧᠷᠸᠧᠷ ᠦᠳ ᠢ ᠨᠡᠮᠡᠬᠦ ᠳᠦ ᠬᠢᠯᠪᠠᠷ ᠪᠥᠭᠡᠳ ᠬᠡᠷᠡᠭᠴᠡᠭᠡ ᠲᠡᠢ ᠦᠶᠡ ᠳᠦ ᠥᠭᠭᠥᠭᠳᠡᠯ ᠦᠨ ᠰᠠᠩ ᠨᠢ ᠠᠦ᠋ᠲ᠋ᠣᠮᠠᠲ ᠢᠶᠠᠷ ᠣᠯᠠᠨ ᠰᠧᠷᠸᠧᠷ ᠳᠡᠭᠡᠷᠡ ᠲᠠᠷᠬᠠᠨ ᠠᠵᠢᠯᠯᠠᠳᠠᠭ. 《NoSQL》 ᠥᠭᠭᠥᠭᠳᠡᠯ ᠦᠨ ᠰᠠᠩ ᠨᠢ ᠬᠡᠪᠲᠡᠭᠡ ᠵᠠᠭᠪᠤᠷ ᠤᠨ ᠥᠷᠭᠡᠵᠢᠭᠦᠯᠦᠯᠲᠡ ᠶᠢ ᠠᠰᠢᠭᠯᠠᠳᠠᠭ᠃
ᠡᠬᠡ ᠰᠤᠷᠪᠤᠯᠵᠢ ᠄
https://www.mongodb.com/nosql-explained
http://eflorenzano.com/blog/2009/07/21/my-thoughts-nosql/
https://en.wikipedia.org/wiki/NoSQL
ᠰᠢᠨᠡ ᠮᠡᠳᠡᠭᠡ
ФИШИНГ БА СПАМ
Мэдэгдэл
БНФУ -ЫН AFNOR ГРУППТЭЙ УУЛЗАЛТ ХИЙЛЭЭ.
“ХУР” СИСТЕМИЙН ГЭРЧИЛГЭЭГ ШИНЭЧИЛНЭ YY
