ᠺᠣᠨᠲ᠋ᠧᠨᠲ ᠲᠦᠭᠡᠭᠡᠭᠴᠢ ᠰᠦᠯᠵᠢᠶᠡ ᠪᠤᠶᠤ 《CDN》
ᠵᠢᠯ ᠢᠷᠡᠬᠦ ᠲᠤᠰᠤᠮ ᠢᠨᠲ᠋ᠧᠷᠨᠡᠲ ᠦᠨ ᠬᠡᠷᠡᠭᠯᠡᠭᠡ ᠡᠷᠴᠢᠮᠲᠡᠢ ᠨᠡᠮᠡᠭᠳᠡᠵᠦ᠂ ᠡᠭᠦᠨ ᠢ ᠳᠠᠭᠠᠭᠠᠳ ᠸᠧᠪ ᠲᠤ ᠰᠠᠭᠤᠷᠢᠯᠠᠭᠰᠠᠨ ᠮᠡᠳᠡᠭᠡᠯᠡᠯ ᠦᠨ ᠲᠧᠭᠨᠣᠯᠣᠭᠢ ᠨᠤᠭᠤᠳ ᠬᠤᠷᠳᠤᠴᠠ ᠲᠠᠢ ᠬᠥᠭᠵᠢᠭᠰᠡᠭᠡᠷ ᠪᠠᠶᠢᠨᠠ᠃ ᠸᠧᠪ ᠬᠠᠭᠤᠳᠠᠰᠤ᠂ ᠸᠧᠪ ᠲᠧᠭᠨᠣᠯᠣᠭᠢ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠫᠷᠣᠭᠷᠠᠮ ᠬᠠᠩᠭᠠᠮᠵᠢ ᠳᠡᠭᠡᠷᠡ ᠠᠴᠢᠶᠠᠯᠠᠯᠵᠤ ᠪᠤᠢ ᠺᠣᠨᠲ᠋ᠧᠨᠲ ᠢ ᠲᠦᠷᠭᠡᠨ ᠬᠤᠭᠤᠴᠠᠭᠠᠨ ᠳᠤ ᠳᠠᠮᠵᠢᠭᠤᠯᠵᠤ ᠬᠠᠷᠠᠭᠤᠯᠬᠤ ᠨᠢ ᠠᠵᠢᠯᠯᠠᠭᠠᠨ ᠤ ᠬᠤᠪᠢ ᠳᠤ ᠴᠢᠨᠠᠷ ᠤᠨ ᠭᠣᠣᠯ ᠦᠵᠡᠭᠦᠯᠦᠯᠲᠡ ᠪᠣᠯᠳᠠᠭ᠃ ᠸᠧᠪ ᠬᠠᠭᠤᠳᠠᠰᠤᠨ ᠤ ᠳᠤᠮᠳᠠᠴᠢ ᠬᠡᠮᠵᠢᠶᠡ 2 ᠮᠪ ᠣᠷᠴᠢᠮ ᠪᠣᠯ ᠡᠭᠦᠨ ᠡᠴᠡ 65% ᠍ ᠶᠢ ᠵᠢᠷᠤᠭ ᠪᠣᠯᠤᠨ ᠮᠧᠳᠢᠶᠠ ᠺᠣᠨᠲ᠋ᠧᠨᠲ ᠡᠵᠡᠯᠡᠳᠡᠭ᠃
ᠺᠣᠨᠲ᠋ᠧᠨᠲ ᠢ ᠶᠡᠷᠦᠩᠬᠡᠢ ᠰᠢᠨᠵᠢ ᠴᠢᠨᠠᠷ ᠢᠶᠠᠷ ᠨᠢ 3 ᠬᠤᠪᠢᠶᠠᠨ ᠠᠪᠴᠤ ᠦᠵᠡᠳᠡᠭ᠃
ᠡᠭᠦᠨ ᠳᠦ᠄
ᠳ᠋ᠢᠨᠠᠮᠢᠺ ᠺᠶᠠᠮᠠᠷ ᠨᠢᠭᠡ ᠫᠷᠣᠭᠷᠠᠮᠴᠢᠯᠠᠯ ᠤᠨ ᠬᠡᠯᠡᠨ ᠦ ᠲᠤᠰᠠᠯᠠᠮᠵᠢ ᠲᠠᠢ ᠪᠠᠷ ᠠᠵᠢᠯᠯᠠᠭᠠᠨ ᠤ ᠶᠠᠪᠤᠴᠠ ᠳᠤ ᠪᠣᠯᠪᠠᠰᠤᠷᠠᠭᠤᠯᠤᠭᠳᠠᠭᠰᠠᠨ ᠮᠡᠳᠡᠭᠡᠯᠡᠯ᠃
ᠰᠲ᠋ᠠᠲ᠋ᠢᠭ ᠺᠣᠶᠡᠬᠡᠩᠬᠢ ᠳᠦ ᠪᠡᠨ ᠰᠢᠨᠡᠴᠢᠯᠡᠭᠳᠡᠭᠡᠳ ᠪᠠᠶᠢᠳᠠᠭ ᠦᠭᠡᠢ ᠺᠣᠨᠲ᠋ᠧᠨᠲ᠃ ᠵᠢᠱᠢᠶᠡ ᠨᠢ᠄ ᠵᠢᠷᠤᠭ᠂ CSS ᠹᠠᠶᠢᠯ᠂ JavaScript ᠹᠠᠶᠢᠯ ᠭᠮ᠃
**ᠲᠠᠰᠤᠷᠠᠯᠲᠠ ᠦᠭᠡᠢ ᠤᠷᠤᠰᠬᠠᠯ ᠲᠠᠢ (streaᠸᠧᠪ ᠬᠥᠲᠥᠴᠢ ᠳᠡᠭᠡᠷᠡ ᠲᠣᠭᠯᠠᠭᠤᠯᠤᠭᠳᠠᠬᠤ ᠳᠦᠷᠰᠦ ᠪᠣᠯᠤᠨ ᠳᠠᠭᠤᠤ ᠠᠪᠢᠶᠠ ᠠᠭᠤᠯᠠᠭᠰᠠᠨ ᠹᠠᠶᠢᠯ ᠤᠳ᠃
ᠳᠡᠭᠡᠷᠡᠬᠢ ᠺᠣᠨᠲ᠋ᠧᠨᠲ ᠤᠨ ᠲᠥᠷᠥᠯ ᠦᠳ ᠨᠢ ᠬᠡᠮᠵᠢᠶᠡᠨ ᠦ ᠬᠤᠪᠢ ᠳᠤ ᠬᠣᠭᠣᠷᠣᠨᠳᠣ ᠪᠠᠨ ᠢᠯᠭᠠᠭᠠ ᠲᠠᠢ ᠪᠠ ᠮᠡᠳᠡᠭᠡᠯᠡᠯ ᠦᠨ ᠨᠢᠭᠡ ᠫᠠᠺᠸᠲ ᠺᠣᠨᠲ᠋ᠧᠨᠲ ᠪᠠᠶᠢᠷᠢᠰᠢᠬᠤ ᠴᠡᠭ ᠡᠴᠡ ᠬᠡᠷᠡᠭᠯᠡᠭᠴᠢ ᠪᠠᠶᠢᠭᠠ ᠴᠡᠭ ᠲᠦ ᠬᠦᠷᠬᠦ ᠬᠤᠭᠤᠴᠠᠭᠠ ᠶᠢ 《Latency》 ᠪᠤᠶᠤ ᠬᠦᠯᠢᠶᠡᠬᠦ ᠬᠤᠭᠤᠴᠠᠭᠠ ᠭᠡᠬᠦ ᠪᠠ ᠡᠨᠡ ᠨᠢ ᠮᠢᠯᠰᠧᠺᠦᠶᠢᠨᠳ᠋ ᠍ ᠢᠶᠡᠷ ᠢᠯᠡᠷᠬᠡᠶᠢᠯᠡᠭᠳᠡᠳᠡᠭ᠃ ᠡᠶᠢᠮᠦ ᠳᠦ ᠬᠦᠯᠢᠶᠡᠬᠦ ᠬᠤᠭᠤᠴᠠᠭᠠ ᠪᠠᠭᠠ ᠪᠠᠶᠢᠬᠤ ᠲᠤᠰᠤᠮ ᠸᠧᠪ ᠠᠴᠢᠶᠠᠯᠠᠯᠬᠤ ᠳᠤ ᠪᠠᠨ ᠬᠤᠷᠳᠤᠨ ᠪᠠᠶᠢᠨᠠ ᠭᠡᠰᠡᠨ ᠦᠭᠡ᠃ ᠡᠨᠳᠡ ᠮᠡᠳᠡᠭᠡᠵᠢ ᠳᠠᠮᠵᠢᠭᠤᠯᠬᠤ ᠬᠤᠷᠳᠤ ᠨᠢ ᠢᠨᠲ᠋ᠧᠷᠨᠡᠲ ᠦᠨ ᠬᠤᠷᠳᠤ ᠪᠣᠯᠤᠨ ᠪᠤᠰᠤᠳ ᠣᠯᠠᠨ ᠬᠦᠴᠦᠨ ᠵᠦᠢᠯ ᠡᠴᠡ ᠰᠢᠯᠲᠠᠭᠠᠯᠠᠬᠤ ᠬᠡᠳᠦᠢ ᠴᠤ ᠭᠠᠵᠠᠷᠵᠦᠢ ᠶᠢᠨ ᠬᠤᠪᠢ ᠳᠤ ᠬᠡᠷᠡᠭᠯᠡᠭᠴᠢᠳ ᠲᠦ ᠣᠶᠢᠷᠠ᠂ ᠬᠦᠯᠢᠶᠡᠬᠦ ᠬᠤᠭᠤᠴᠠᠭᠠ (Latency) ᠪᠠᠭᠠ ᠪᠠᠶᠢᠬᠤ ᠴᠡᠭ ᠡᠴᠡ ᠮᠡᠳᠡᠭᠡᠯᠡᠯ ᠢ ᠳᠠᠮᠵᠢᠭᠤᠯᠵᠤ ᠠᠵᠢᠯᠯᠠᠭᠠ ᠶᠢ ᠬᠤᠷᠳᠤᠰᠬᠠᠬᠤ ᠵᠣᠷᠢᠯᠭᠠ ᠪᠠᠷ ᠺᠣᠨᠲ᠋ᠧᠨᠲ ᠲᠦᠭᠡᠭᠡᠭᠴᠢ ᠰᠦᠯᠵᠢᠶᠡ ᠪᠤᠶᠤ 《CDN》 ᠲᠧᠭᠨᠣᠯᠣᠭᠢ ᠡᠭᠦᠰᠴᠢ ᠪᠤᠢ ᠪᠣᠯᠤᠭᠰᠠᠨ ᠪᠠ 1990 ᠣᠨ ᠤ ᠰᠡᠭᠦᠯ ᠦᠶᠡᠰ ᠥᠨᠥ ᠶᠢ ᠬᠦᠷᠲᠡᠯᠡ ᠪᠤᠰᠤᠳ ᠲᠧᠭᠨᠣᠯᠣᠭᠢ ᠶᠢᠨ ᠥᠭᠡᠷᠡᠴᠢᠯᠡᠯᠲᠡ ᠶᠢ ᠥᠪᠡᠷᠲᠡᠭᠡᠨ ᠰᠢᠩᠭᠡᠭᠡᠨ ᠬᠥᠭᠵᠢᠵᠦ ᠢᠷᠡᠭᠰᠡᠨ ᠲᠡᠦᠬᠡ ᠲᠡᠢ᠃ ᠡᠩ ᠦᠨ ᠣᠶᠢᠯᠠᠭᠠᠯᠲᠠ ᠪᠠᠷ ᠺᠣᠨᠲ᠋ᠧᠨᠲ ᠲᠦᠭᠡᠭᠡᠭᠴᠢ ᠰᠦᠯᠵᠢᠶᠡ (CDN) ᠨᠢ ᠭᠠᠵᠠᠷᠵᠦᠢ ᠶᠢᠨ ᠬᠤᠪᠢ ᠳᠤ ᠲᠠᠷᠬᠠᠵᠤ ᠪᠠᠶᠢᠷᠢᠰᠢᠭᠰᠠᠨ ᠣᠯᠠᠨ ᠲᠣᠭᠠᠨ ᠤ ᠳᠠᠲ᠋ᠠ ᠲᠥᠪ ᠦᠳ ᠳᠡᠭᠡᠷᠡ ᠠᠵᠢᠯᠯᠠᠬᠤ ᠢᠨᠲ᠋ᠧᠷᠨᠡᠲ ᠤᠷᠤᠰᠬᠠᠯ ᠳᠠᠮᠵᠢᠭᠤᠯᠤᠨ ᠥᠩᠭᠡᠷᠡᠭᠦᠯᠬᠦ ᠰᠧᠷᠸᠧᠷ (Proxy Server) ᠬᠣᠭᠣᠷᠣᠨᠳᠣ ᠶᠢᠨ ᠰᠦᠯᠵᠢᠶᠡ ᠶᠤᠮ᠃ ᠺᠣᠨᠲ᠋ᠧᠨᠲ ᠨᠢ ᠤᠭ ᠰᠦᠯᠵᠢᠶᠡᠨ ᠳᠦ ᠬᠣᠯᠪᠣᠭᠳᠠᠭᠰᠠᠨ ᠰᠧᠷᠸᠧᠷ ᠦᠳ ᠳᠡᠭᠡᠷᠡ ᠬᠠᠭᠤᠯᠪᠤᠷᠢᠯᠠᠭᠳᠠᠨ ᠪᠠᠶᠢᠷᠢᠰᠢᠭᠰᠠᠨ ᠢᠶᠠᠷ ᠠᠯᠢ ᠣᠶᠢᠷᠠ ᠴᠡᠭ ᠡᠴᠡ ᠬᠡᠷᠡᠭᠯᠡᠭᠴᠢᠳ ᠲᠦ ᠬᠦᠷᠬᠦ ᠪᠣᠯᠤᠮᠵᠢ ᠲᠠᠢ ᠪᠣᠯᠤᠨᠠ᠃ ᠢᠩᠭᠢᠭᠰᠡᠨ ᠢᠶᠡᠷ ᠬᠠᠨᠳᠤᠯᠲᠠ ᠶᠢᠨ ᠦᠨᠳᠦᠰᠦᠨ ᠸᠧᠪ ᠰᠧᠷᠸᠧᠷ ᠲᠦ ᠢᠷᠡᠬᠦ ᠠᠴᠢᠶᠠᠯᠠᠯ ᠪᠠᠭᠤᠷᠴᠢ᠂ ᠺᠣᠨᠲ᠋ᠧᠨᠲ ᠤᠨ ᠬᠦᠷᠲᠡᠭᠡᠮᠵᠢᠲᠡᠢ ᠪᠠᠶᠢᠳᠠᠯ ᠨᠡᠮᠡᠭᠳᠡᠵᠦ᠂ ᠮᠥᠨ ᠭᠠᠵᠠᠷᠵᠦᠢ ᠶᠢᠨ ᠬᠤᠪᠢ ᠳᠤ ᠣᠯᠠᠨ ᠴᠡᠭ ᠡᠴᠡ ᠬᠠᠨᠳᠤᠬᠤ ᠬᠡᠷᠡᠭᠯᠡᠭᠴᠢᠳ ᠲᠦ ᠸᠧᠪ ᠬᠠᠭᠤᠳᠠᠰᠤᠨ ᠤ ᠪᠦᠲᠦᠨ ᠤᠩᠰᠢᠬᠤ ᠬᠤᠷᠳᠤ ᠮᠡᠳᠡᠭᠳᠡᠬᠦᠶᠢᠴᠡ ᠬᠡᠮᠵᠢᠶᠡᠨ ᠳᠦ ᠥᠰᠥᠨᠡ᠃
ᠵᠢᠷᠤᠭ 1᠃ ᠺᠣᠨᠲ᠋ᠧᠨᠲ ᠲᠦᠭᠡᠭᠡᠭᠴᠢ ᠰᠦᠯᠵᠢᠶᠡ ᠶᠢ ᠠᠰᠢᠭᠯᠠᠬᠤ ᠪᠣᠯᠤᠨ ᠠᠰᠢᠭᠯᠠᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠢᠯᠭᠠᠭᠠ᠃
ᠺᠣᠨᠲ᠋ᠧᠨᠲ ᠲᠦᠭᠡᠭᠡᠬᠦ ᠰᠦᠯᠵᠢᠶᠡ ᠨᠢ ᠳᠠᠷᠠᠭᠠᠬᠢ ᠬᠡᠰᠡᠭ ᠦᠳ ᠡᠴᠡ ᠪᠥᠷᠢᠳᠦᠨᠡ᠃
-ᠬᠦᠷᠭᠡᠯᠲᠡ ᠶᠢᠨ ᠬᠡᠰᠡᠭ ᠦᠳ /Delivery Nodes/ - ᠮᠡᠳᠡᠭᠡᠯᠡᠯ ᠢ ᠬᠡᠷᠡᠭᠯᠡᠭᠴᠢᠳ ᠲᠦ ᠬᠦᠷᠭᠡᠬᠦ ᠡᠨᠡ ᠬᠡᠰᠡᠭ ᠲᠦ ᠮᠡᠳᠡᠭᠡᠯᠡᠯ ᠢ ᠥᠪᠡᠷ ᠳᠡᠭᠡᠷᠡ ᠪᠡᠨ ᠨᠥᠭᠡᠴᠡᠯᠡᠬᠦ ᠫᠷᠣᠭᠷᠠᠮ ᠬᠠᠩᠭᠠᠮᠵᠢ ᠠᠵᠢᠯᠯᠠᠬᠤ ᠪᠠ ᠶᠡᠬᠡᠪᠴᠢᠯᠡᠨ ᠬᠡᠷᠡᠭᠯᠡᠭᠴᠢᠳ ᠲᠦ ᠣᠶᠢᠷᠠ ᠪᠠᠶᠢᠬᠤ ᠳᠡᠳ᠋ ᠪᠦᠲᠦᠴᠡ ᠳᠡᠭᠡᠷᠡ ᠪᠠᠶᠢᠷᠢᠰᠢᠨᠠ᠃
-ᠬᠠᠳᠠᠭᠠᠯᠠᠬᠤ ᠬᠡᠰᠡᠭ /Storage Nodes/ - ᠬᠦᠷᠭᠡᠯᠲᠡ ᠶᠢᠨ ᠬᠡᠰᠡᠭ ᠲᠦ ᠠᠵᠢᠯᠯᠠᠬᠤ ᠫᠷᠣᠭᠷᠠᠮ ᠬᠠᠩᠭᠠᠮᠵᠢ ᠶᠢᠨ ᠨᠥᠭᠡᠴᠡᠯᠡᠬᠦ ᠮᠡᠳᠡᠭᠡᠯᠡᠯ ᠢ ᠬᠠᠳᠠᠭᠠᠯᠠᠬᠤ ᠵᠣᠷᠢᠭᠤᠯᠤᠯᠲᠠ ᠲᠠᠢ᠃
-ᠡᠬᠢ ᠡᠭᠦᠰᠪᠦᠷᠢ ᠶᠢᠨ ᠬᠡᠰᠡᠭ /Origin Nodes/ - ᠺᠣᠨᠲ᠋ᠧᠨᠲ ᠪᠦᠬᠦᠢ ᠮᠡᠳᠡᠭᠡᠯᠡᠯ ᠦᠳ ᠢ ᠪᠠᠶᠢᠷᠢᠰᠢᠭᠤᠯᠵᠤ ᠪᠤᠰᠤᠳ ᠬᠦᠷᠭᠡᠯᠲᠡ ᠶᠢᠨ ᠬᠡᠰᠡᠭ ᠲᠦ ᠲᠠᠷᠠᠭᠠᠬᠤ ᠡᠬᠢ ᠡᠭᠦᠰᠪᠦᠷᠢ ᠪᠣᠯᠤᠨ ᠠᠵᠢᠯᠯᠠᠬᠤ ᠵᠣᠷᠢᠭᠤᠯᠤᠯᠲᠠ ᠲᠠᠢ᠃
-ᠤᠳᠤᠷᠢᠳᠤᠯᠭᠠ ᠶᠢᠨ ᠬᠡᠰᠡᠭ /Control Node/ - ᠺᠣᠨᠲ᠋ᠧᠨᠲ ᠬᠦᠷᠭᠡᠯᠲᠡ ᠶᠢᠨ ᠰᠦᠯᠵᠢᠶᠡᠨ ᠦ ᠪᠦᠬᠦᠢ ᠯᠠ ᠬᠡᠰᠡᠭ ᠲᠦ ᠮᠣᠨᠢᠲ᠋ᠣᠷᠢᠨ ᠢ ᠬᠢᠬᠦ᠂ ᠵᠠᠮᠴᠢᠯᠠᠬᠤ᠂ ᠤᠳᠤᠷᠢᠳᠬᠤ ᠵᠣᠷᠢᠭᠤᠯᠤᠯᠲᠠ ᠲᠠᠢ ᠬᠡᠰᠡᠭ ᠪᠣᠯᠤᠨᠠ᠃
ᠺᠣᠨᠲ᠋ᠧᠨᠲ ᠢ ᠬᠠᠮᠤᠭ ᠤᠨ ᠣᠶᠢᠷᠠ ᠴᠡᠭ ᠡᠴᠡ ᠬᠦᠷᠭᠡᠬᠦ 2 ᠲᠥᠷᠥᠯ ᠦᠨ ᠠᠷᠭᠠᠴᠢᠯᠠᠯ ᠪᠤᠢ᠃ ᠡᠭᠦᠨ ᠳᠦ᠄
ᠳᠣᠮᠡᠢ ᠶᠢᠨ ᠨᠡᠷᠡ ᠶᠢᠨ ᠰᠧᠷᠸᠧᠷ ᠪᠤᠶᠤ DNS ᠠᠰᠢᠭᠯᠠᠬᠤ᠃ ᠡᠨᠡ ᠨᠢ ᠬᠡᠷᠡᠭᠯᠡᠭᠴᠢ cdn.website.com ᠳᠣᠮᠡᠢ ᠶᠢᠨ ᠨᠡᠷᠡ ᠲᠡᠢ ᠬᠦᠰᠡᠯᠲᠡ ᠭᠠᠷᠭᠠᠬᠤ ᠳᠤ ᠠᠯᠢ ᠣᠶᠢᠷᠠ 《Delivery Nodes》 ᠍ ᠦᠨ ᠬᠠᠶᠠᠭᠠ ᠶᠢ ᠪᠤᠴᠠᠭᠠᠨᠠ. 《Anycast Routing》 ᠲᠧᠭᠨᠢᠭ ᠠᠰᠢᠭᠯᠠᠬᠤ᠃ ᠡᠨᠡ ᠨᠢ 《Delivery Nodes》 ᠍ ᠨᠦᠭᠦᠳ ᠪᠦᠭᠦᠳᠡ ᠢᠵᠢᠯ ᠬᠠᠶ᠋ᠢᠭ ᠲᠠᠢ ᠪᠠᠶᠢᠬᠤ ᠪᠠ ᠢᠨᠲ᠋ᠧᠷᠨᠡᠲ ᠦᠢᠯᠡᠴᠢᠯᠡᠭᠡ ᠦᠵᠡᠭᠦᠯᠦᠭᠴᠢ ᠪᠠᠶᠢᠭᠤᠯᠤᠯᠭᠠ ᠶᠢᠨ ᠵᠠᠮᠴᠢᠯᠠᠬᠤ ᠲᠥᠬᠥᠭᠡᠷᠦᠮᠵᠢ ᠳᠡᠭᠡᠷᠡ ᠠᠯᠢ ᠣᠶᠢᠷᠠ ᠬᠡᠰᠡᠭ ᠡᠴᠡ ᠺᠣᠨᠲ᠋ᠧᠨᠲ ᠢ ᠬᠦᠷᠭᠡᠬᠦ ᠡᠰᠡᠬᠦ ᠶᠢ ᠰᠢᠢᠳᠳᠡᠭ᠃
ᠺᠣᠨᠲ᠋ᠧᠨᠲ ᠲᠦᠭᠡᠭᠡᠬᠦ ᠰᠦᠯᠵᠢᠶᠡ ᠶᠢ ᠦᠢᠯᠡᠴᠢᠯᠡᠭᠡ ᠬᠡᠯᠪᠡᠷᠢ ᠪᠡᠷ ᠦᠵᠡᠭᠦᠯᠳᠡᠭ ᠺᠣᠮᠫᠠᠨᠢ ᠨᠤᠭᠤᠳ ᠤᠨ ᠶᠡᠬᠡᠩᠬᠢ ᠨᠢ 《DNS》 ᠠᠰᠢᠭᠯᠠᠨ ᠬᠢᠳᠡᠭ ᠪᠠᠶᠢᠨᠠ᠃
ᠵᠢᠱᠢᠶᠡ᠄ Google Global Cache
《Google Inc》 ᠺᠣᠮᠫᠠᠨᠢ ᠶᠢᠨ ᠺᠣᠨᠲ᠋ᠧᠨᠲ ᠲᠦᠭᠡᠭᠡᠬᠦ ᠰᠦᠯᠵᠢᠶᠡ ᠪᠣᠯᠬᠤ 《Google Global Cache node》 –ᠡᠭᠦᠳᠡ ᠨᠢ ᠮᠣᠩᠭᠣᠯ ᠤᠯᠤᠰ ᠤᠨ ᠢᠨᠲ᠋ᠧᠷᠨᠡᠲ ᠦᠢᠯᠡᠴᠢᠯᠡᠭᠡ ᠦᠵᠡᠭᠦᠯᠦᠭᠴᠢ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠳᠡᠭᠡᠷᠡ ᠪᠠᠶᠢᠷᠢᠰᠢᠳᠠᠭ᠃ ᠢᠩᠭᠢᠭᠰᠡᠨ ᠢᠶᠡᠷ ᠲᠤᠬᠠᠢ ᠶᠢᠨ ᠪᠠᠶᠢᠭᠤᠯᠤᠯᠭᠠ ᠠᠴᠠ ᠢᠨᠲ᠋ᠧᠷᠨᠡᠲ ᠦᠨ ᠦᠢᠯᠡᠴᠢᠯᠡᠭᠡ ᠠᠪᠳᠠᠭ ᠬᠡᠷᠡᠭᠯᠡᠭᠴᠢ youtube.com ᠸᠧᠪ ᠰᠠᠶᠢᠲᠤ ᠳᠡᠭᠡᠷᠡ ᠡᠴᠡ ᠪᠢᠴᠢᠯᠭᠡ ᠦᠵᠡᠬᠦ ᠳᠦ ᠮᠣᠩᠭᠣᠯ ᠳᠣᠲᠣᠷᠠᠬᠢ ᠢᠨᠲ᠋ᠧᠷᠨᠡᠲ ᠦᠨ ᠥᠨᠳᠥᠷ ᠤᠷᠤᠰᠬᠠᠯ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠬᠤᠷᠳᠤ ᠲᠠᠢ ᠦᠵᠡᠬᠦ ᠪᠣᠯᠤᠮᠵᠢ ᠲᠠᠢ ᠪᠣᠯᠤᠭᠰᠠᠨ.
ᠵᠢᠱᠢᠶᠡ᠄ http᠄//netflix.com/mn
ᠪᠢᠳᠡᠨ ᠦ ᠮᠡᠳᠡᠬᠦ ᠺᠢᠨᠣ᠋ ᠪᠣᠯᠤᠨ ᠳᠦᠷᠰᠦᠲᠦ ᠪᠢᠴᠢᠯᠭᠡ ᠲᠥᠯᠦᠪᠦᠷᠢᠲᠡᠢ ᠪᠡᠷ ᠳᠠᠮᠵᠢᠭᠤᠯᠬᠤ ᠦᠢᠯᠡᠴᠢᠯᠡᠭᠡ ᠦᠵᠡᠭᠦᠯᠳᠡᠭ 《Netflix》 ᠺᠣᠮᠫᠠᠨᠢ ᠶᠡᠬᠡᠪᠴᠢᠯᠡᠨ ᠡᠮᠦᠨᠡᠲᠦ ᠠᠮᠧᠷᠢᠺᠠ ᠲᠢᠪ ᠲᠦ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠪᠠᠨ ᠶᠠᠪᠤᠭᠤᠯᠳᠠᠭ ᠪᠠᠶᠢᠭᠰᠠᠨ ᠪᠣᠯ ᠦᠢᠯᠡᠴᠢᠯᠡᠭᠡ ᠪᠡᠨ ᠲᠡᠯᠡᠵᠦ ᠡᠨᠡ ᠣᠨ ᠤ ᠡᠬᠢᠨ ᠰᠠᠷᠠ ᠳᠤ ᠰᠢᠨᠡ ᠪᠡᠷ ᠮᠠᠨ ᠤ ᠤᠯᠤᠰ ᠢ ᠣᠷᠤᠯᠴᠠᠭᠤᠯᠤᠨ ᠨᠡᠶᠢᠲᠡ 130 ᠭᠠᠷᠤᠢ ᠣᠷᠣᠨ ᠳᠤ ᠦᠢᠯᠡᠴᠢᠯᠡᠭᠡ ᠦᠵᠡᠭᠦᠯᠬᠦ ᠪᠣᠯᠤᠭᠰᠠᠨ᠃ ᠦᠢᠯᠡᠴᠢᠯᠡᠭᠡᠨ ᠦ ᠴᠢᠨᠠᠷ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠵᠣᠷᠢᠯᠭᠠ ᠪᠠᠷ ᠨᠡᠶᠢᠲᠡ 6 ᠲᠢᠪ ᠦᠨ 233 ᠪᠠᠶᠢᠷᠢᠰᠢᠯ ᠳᠤ 《Open Connect》 ᠬᠡᠮᠡᠬᠦ ᠥᠪᠡᠷᠰᠡᠳ ᠦᠨ ᠺᠣᠨᠲ᠋ᠧᠨᠲ ᠲᠦᠭᠡᠭᠡᠬᠦ ᠰᠦᠯᠵᠢᠶᠡ ᠶᠢ ᠡᠭᠦᠰᠬᠡᠭᠰᠡᠨ ᠪᠠ ᠮᠣᠩᠭᠣᠯ ᠤᠯᠤᠰ ᠠᠴᠠ ᠺᠢᠨᠣ᠋ ᠦᠵᠡᠬᠦ ᠳᠦ ᠺᠣᠨᠲ᠋ᠧᠨᠲ ᠤᠨ ᠤᠷᠤᠰᠬᠠᠯ ᠢ ᠬᠠᠮᠤᠭ ᠤᠨ ᠣᠶᠢᠷᠠ ᠪᠥᠭᠡᠳ 《latency》 ᠪᠠᠭᠠ ᠴᠡᠭ ᠡᠴᠡ ᠳᠠᠮᠵᠢᠭᠤᠯᠵᠤ ᠪᠠᠶᠢᠳᠠᠭ ᠪᠠᠶᠢᠨᠠ᠃
ᠡᠬᠡ ᠰᠤᠷᠪᠤᠯᠵᠢ᠄
-https://blogs.akamai.com/2015/06/performance-matters-more-than-ever.html
-https://anuragbhatia.com/2014/03/networking/different-cdn-technologies-dns-vs-anycast-routing/
ᠰᠢᠨᠡ ᠮᠡᠳᠡᠭᠡ
ФИШИНГ БА СПАМ
Мэдэгдэл
БНФУ -ЫН AFNOR ГРУППТЭЙ УУЛЗАЛТ ХИЙЛЭЭ.
“ХУР” СИСТЕМИЙН ГЭРЧИЛГЭЭГ ШИНЭЧИЛНЭ YY
